CCCXXIII.

1422, Juli 22. Münsterberg.

Herzog Johannes von Schlesien und Herr zu Münsterberg bestätigt und erneuert dem Stifte die über alle in seinem Lande gelegenen Besitzungen des letzteren ertheilten Privilegien.

In gotis, namen amen. Wyr Johannes von gotis gnaden herczog in Slesien und herre czu Munsterberg, bekennen offintlichen in desem briffe allen den, dy en sehen, horen adir lesen, daz in unser kegenwurtigkeyt gestanden hat der wirdige und andachtege herre, her Nicklas von Paczkaw, apt dez closters czu Camencz dez ordens von Cistercio mit seynen eldisten, mit herren Franczken priore und Johanni bursario, Augustino, pharrer czu Heymerichsdorff und habin uns von iren, von der ganczen sammenunge und von alle iren nochkomelingen wegen demuthiclich gebethen umb bestetigunge und vornewunge irer briffe und hantfesten obir dy hernochgeschrebin guttere, als obir Nossen, Wenigen Nossen, Beyczan, Reychenaw, Schrom, Wolferamsdorff, Dorndorff, Slabotindorff und obir Lawpenicz, dy alle in unserem Munsterbergischen lande und weycbilde gelegen sint, und dy selbin guter, mit allen eren czugehorungen, alz mit forwerken, ackern, garten, welden, pusschen, wesen, weiden, molen, wassern, fisschereyen, vogeln und mit allen andern iren nuczbarkeyten, fruchten und genyssen, wy man dy mit gemeynem adir besundern namen benennen mag, mit sulchen hirschaften und freyheiten czu habin, alzo frey, als se die bis do her gehabit haben und besessen, nemelich mit freyheyten, rossdinstes, mit allen iren gerichten, obirsten und nedirsten, mit freyheyt der garten und der gertener, dy ausgenomen und enpunden seyn ewiglichen von allerley geschusser, getreide phennige munczegeldis, beten gemeynen adir besundern czu gebin, mit freyheit dez closters czu Camencz, und der gebawir von besundern beten und beswernisse adir obirlast, von uns adir unsern geerbin adir elichen nochkomelingen adir nochkommenden herren, die ummer in czeiten werdin mogen czukunftig, und keyne gemeyne bete off dy czu thun adir awsczutwingen, wedir dez aptes und der samenunge dez selben closters czu Camencz willen und iowort. Dez habin wir vorgenanter Johannes herczog und herre czu Munsterberg mit unserm geerbin und elichen nochkomelingen angesehin die demutege und rechtfertige bete der egenanten, unser lieben innegen aptis und der eldisten und der samenunge dez closters czu Camencz und habin von sunderlichen gnaden und furstenlicher gutekeit und von guten gewissen und mit fertegem rate unser manne vornewet und bestetiget, und mit craft deses briffes vornewen und bestetigen, gote czu lobe durch unser selen selickeit und unser allir lypsten vorfarn, alle briffe und hantfesten, dy obir dy vorgenanten guttere dem obgenanten closter czu Camencz von fruchtegen gnaden gegebin seyn, und wellen dy selbin briffe und hantvesten gancz feste, stete und unwedirczubrechlich ewiglich haldin und lossen haldin noch erem lawte an allen puncten, clawsuleln und articulen, stucken gleicherweis, alz ab se in desem unseren briffe von worte czu worte geschrebin weren und beslossen und wellen auch daz selbe closter czu Camencz von der obgenanten guttir wegen mit allen iren czugehorungen und nuczbarkeyten, die mit gemeynen und mit besundern namen vorbeschrebin stehen bey allem seynen gerichten obirsten und nedirsten, bey allen freyheiten alz rosdinstes, des closters der garten, der gertener und der gebawir in aller mosse, als vor begriffen ist, behaldin und lossen behaldin in czukumftegin czeiten in guten trawen ane arg, unsern rechten und aller andern unvorseret und sunderlich unsers liebin herren und vorfarn seligis gedechtenisse herczog Bolken briff, gebiethen wir und wellen vestiglich und bestetigen ewiglich den czu halden, alzu das unser landfoyt adir amechtlewte, hoferichter adir phender, wy man dy benennen muchte, keyne sache off den egenanten und nochgeschrebin guttern, dorffern, hoffen, forwerken, garten, creczem adir sust guttern, die czum closter gehoren, dy in unserem Munsterbergischen lande und weicbilde gelegen sint, nicht richten noch ladin sullen umb schulde adir erbgeld adir were umbe welerleye sache is were, wy man dy benennen adir gesprechen mochte, gros adir cleyne, alzo sachen, dy sich czogen czu gerichten des blutes adir czu lempden obir hals und hant czu richten adir sust, beschemenisse und vorserunge des leibis noch lewte vordinen adir inczuseczczunge der lewte in gefencnisse. Sunder dy obirsten und nedirsten gerichte sal haben der apt und seyne samenunge und das closter, dy iczunt seyn adir ummer werdin in czukumftigen czeiten und sulcher sachen sal seyn eyn richter der foit adir eyn flodir des selbin closters. Auch sunderlich durch merunge unsir lieben herren und vorfarn seliges gedechtenisse und unser sele selickeit wille umbe gotis willen, so habin wir mit furstenlichen gnaden angesehen dy demutege bete des wirdegen, andachtegen hern Nicklas aptis dez closters und seynir eldisten und der ganczen samenunge czu Camencz, wen wir hoffen eres gebetis groslich czu genissen ken gote und habin von sunderlichen gnaden und furstenlicher macht und guttickeit und von guten gewissen und mit fertegem rate unser manne czugeschrebin und czuschreybin czu eygen und bestetigen mit craft deses briffes dy hernoch geschrebin gutter, dy in unserm Munsterbergischen lande und weicbilde gelegen sint, dy in den czeiten des hochgeburnen forsten und herren etc. etwen herczogis Nicklos eynis seligen gedechtenisse unsers allerlipsten vorfarn und herren und in seynir kegenwurtickeit offgelassen und an das closter Camencz recht und redelich komen sint, als das dorff Beyczan, daz etwen her Segehart, apt doselbist czu Camencz eynis guten gedechtenisse czum closter gekawft hat, mit allen czugehorungen, keyns ausgeslossen, und das dorff Slabotindorff, das etwen her Hannos Wustehube ritter, im got gnade, dem selbin closter Camencz im namen eynis woren sielgeretes auch mit allen czugehorungen benumet, gegeben und williclich offgelossen hat. Und mit craft deses briffes so bestetigen wir obgenanter Johannes herczog und herre czu Munsterberg mit unsern geerbin und elichen nochkomelingen adir nochkommenden herren den vorgenanten apt und eldisten und samenunge des selben closters Camencz und allen iren nochkomelingen, dy iczunt seyn adir in czukumftegen czeiten werdin muchten, dy vorgeschrebenen gutter unsers weicbildes Munsterberg, Beyczan und Slabotindorff mit andir obgeschrebene gutter, mit allen ackern, garten, molen, wellen, pusschen, teychen, rutecht, strutecht, vysschereyen, vogeln, wassern, senden, weyden, bergen und grunden, obirsten und nedirsten gerichten und gemeiniclich und besundern mit allen iren nuczbarkeyten unde genissen, alz dy selbin guttere an eren enden, greniczen und czirkeln gelegen sint und von andern guttern abegescheyden, frey rosdinstes gerusam, gemachsam, erblich und ewiclich czu haben, czu besiczen. Und daz dy obenegeschrebene czueygunge, czuschreybunge und bestetigunge ewiclich gehaldin werde unczubrechlich von uns und unsern geerbin und elichen nochkomelingen adir nochkommenden herren, dez czu eyner woren bestetigunge haben wir unser furstenlich segel an desen briff lossen hengen. Geschen czu Munsterberg an sente Marie Magdalenen tag noch crists geburt virczenhundert und in dem czwey und czwenczigesten iare. Des sint geczewg der wirdige und dy edelen und gestrengen, woltuchtigen und weysen: herre Nicklos vom Bryge, apt czu Hey(n)richaw, Johannes von Bebirsteyn pharrer czu Munsterberg und thumherre czu Breslaw czum heyligen Crewcze, unser canczeler; Hannos Newenkirche, Heyncze Stossche, rittere, Clockrian und Wolthart, gebruder von Rachnaw; Andris, Austein gevettern von Targuwicz, Wolfhart Stercze, Vetter und Sweydeger von Hawgewicz, brudir Peter bursarius czu Heynrichaw, Pawlus Hoczenplocz, pharrer czum Beyczan, Bernhard Trene, Herman Adilsbach, Hannos Reydeburg, Unger genant, Heyncze Czelme, Gunter und Tamme von Seybotendorff, Hannos Siczhen, Johannes vom Schrom, unsers hoffes schreyber, deme deser briff bevolen ward.

Or. Perg. An geklöppelter Schnur von grüner Seide hängt das beschädigte herzogliche S. (von der Umschrift ist noch zu lesen: S . IOHANNIS . DVCIS . . .).

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.